六月新娘(90)_张爱玲

九〇

　　清：乜你唔记得咗咯咩，你叫我今晚带个女朋友去屋企见你嘅嘛！

　　张：（点头）系，（忽想起）你个女朋友系边度人嚟？

　　清：爸爸做乜你又提呢啲？我女朋友求其人品好唔系得咯，理佢系边度人呢？

　　张：咦！你咁讲法，唔通佢系外江女？

　　清：（嗫嚅）唔……唔系，我不过觉得我地唔应该有呢啲偏见啫。

　　张：事关我最憎外江佬，尤其俾北顺楼嗰个外江佬抢咗我生意之后，提起外江佬就嬲。如果你个女朋友系外江女仔就唔驶带佢嚟见我都得啦。

　　清：唔系……唔系，佢系广东人嚟嘅。

　　张：唔系外江女就得啦。（抬头一望）

　　（钟指六点。）

　　张：咦！乜已经六点钟嘅啦。（忙穿长衫）

　　清：爸爸去边处呀？

　　张：一日都系同你讲嘢讲到过晒钟都唔知。

　　清：乜嘢事咁紧张呀？

　　（张不及回答，一阵风赶出。）

　　侍者：老板日日呢个时候就要赶番去听收音机。

　　清：哦！我仲以为有乜嘢紧要事添……（向侍者）阿王，攞几个萝卜糕俾我！

　　侍者：好！（入厨）

　　清：（叫住）喂，唔好用有铺头招牌嗰啲盒载，用第二啲冇招牌嘅白纸包住就得喇。

　　侍者：（茫然）好。（走入厨房）

　　D.O.

　　第十二场

　　景：电台

　　时：夜

　　人：曼，清，电台工作人员，青年数人

　　D.I.

　　（电台招牌。）

　　Diss.

　　（播音室外——清持萝卜糕匆匆入。

　　（见曼与数青年正准备入播音室。）

　　清：曼玲！

　　曼：（迎上）怎么这么早就来接我？我还没上去呢！

　　清：咁就啱晒啦，我成日都想嚟睇你播音。

　　曼：这是什么？（指清手中纸包）

　　清：萝卜糕！

　　曼：送给我吃？

　　清：唔系，一阵我先至话俾你知。

　　技术人员：（自播音室内出）李小姐！

　　曼：（向他点头，转向一青年听众改操粤语）就开始啦，我先答你嘅问题，大致就照我地头先演习咁样就得啦！

　　青年：我惊讲唔出。

　　曼：唔好咁紧张就得嘅啦。（夺下青年手中札记）唔好要呢啲啦，纸声听到！（拉青年入）

　　（清来至玻璃外望向播音室。

　　（隔玻璃见曼安慰该青年，笑着拍拍该青年肩膀。

　　（清反应。

　　（电台职员看钟，举起手指。）

　　曼：（开始播音）各位听众，本电台每日半点钟嘅“寂寞的心”节目而家又开始啦。首先我地系同黄树棠君研究佢所提出嘅问题。黄先生，请你讲一讲你嘅问题先。

　　黄：我今年廿二岁，五呎三吋高，咁样发育算唔算正常呢？

　　曼：高矮同发育正常系冇关系嘅！

　　黄：唔系呀，我总觉得我自己唔够高，所以成日都冇勇气去识女朋友。

　　曼：呢啲系你有自卑感啫，你首先要抛开呢啲心理至得。你知唔知世界名人拿破仑只得五呎二吋高，你仲高过佢一吋，而且所有嘅小姐唔一定个个都系盲目崇拜啲高佬。

　　黄：咁如果女朋友高过我，一齐行街都系唔似样！

　　曼：你可以揾同你身材差唔多嘅女朋友唔系得咯。其实你都唔算矮，我唔着高踭鞋，同你一样高。（脱鞋与黄并肩比，黄受宠若惊）（清反应。

　　（隔玻璃窗见曼置手黄肩娓娓谈，时作媚笑。

　　（清焦急。）

　　D.O.

　　第十三场

　　景：张家客室、厨房

　　时：夜

　　人：张、张太、佩、清、曼、女佣

　　D.I.

　　（收音机拉开，张在收听“寂寞的心”节目，张太太织绒线，佩打字。）

　　O.S.曼：……至于你父母因为你冇勇气去结交女朋友，所以要介绍一位小姐你识，系一个好合理嘅办法。

　　张：（为佩打字的声所嘈，听不清，回头高叫）阿佩，唔好嘈！

　　（佩不服气地停止打字。）

　　O.S.曼：你唔可以武断你父母介绍女朋友你识就系父母之命，媒妁之言。你应该要同你父母介绍，俾你嘅女朋友互相观察，经过一段长时期嘅彼此仔细了解，睇吓对方嘅个性脾气，教育程度，合唔合得埋咁至啱。你应该知道父母年纪比你大，人生经验比你丰富，应该尽量采用父母嘅意见，而且你要明白，你父母完全系为你打算……

　　张：（不禁赞好）阿佩，你快啲嚟听吓，讲得认真好嘢，认真有道理……

　　佩：喂……我系佩明……乜你仲未有去睇咩？今日最后一天啦……呀！已经睇咗……我睇咗五次……我最中意第一支（哼歌）……唔系，你讲嗰支系响海边唱嘅……（争执）系唎，点会唔系啫，我唱俾你听啦！（哼另一支歌）

　　（佩声浪大，张无法听到曼的声音。）

　　张：（大声地）阿佩，唔好嘈！

　　（佩停止哼歌，回头望张。）

　　张：叫你嚟听嘢又唔听，仲响电话处叽哩咕噜唱歌，好嘢唔学，一日到黑同埋啲同学去睇戏，唱埋晒啲阿飞歌……

　　佩：（嫌张唠苏）好啦，好啦！（向电话）我一阵再打俾你啦！（挂断）

　　张：等你唔嘈，佢已经讲完咗啦！（关收音机）

　　佩：（指收音机）唔通佢讲嗰啲系圣旨嚟咩，又唔比打字，又唔准听电话，仲要监人听……

　　张：睇你刁蛮成咁样。佢讲嗰啲嘢，叫你听，对你系有好处！

　　真系越大越唔听话。

　　张太：（解围）好了！好了！开饭啦，一阵阿清要带女朋友嚟。（高叫）阿四开饭！

　　Diss.

太玄书阁(xuge.org)