| 太玄书阁 > 张爱玲 > 六月新娘 | 上页 下页 |
| 一三二 |
|
|
|
第四十七场 景：酒店林室 时：夜 人：简、吴、荔、林 C.I. （简、吴匆匆来至林室外敲门。 （荔穿晨衣开门。） 简：对唔住，我姑妈瞓咗未呀？ 荔：未呀！（回头唤）简小姐。（再向简）我今日住呢处，预备唔瞓，陪你姑妈倾天光。 （林披晨衣来，荔向简、吴挥挥手回入。） 林：乜嘢事呀？ （简、吴将林拉入甬道闭门。） 简：喂！阿林呀，我地特登嚟警告你嘅，你千万要小心。 林：小心乜嘢？ 吴：我们是君子协定，你可得记住，现在倩荔在你房里，你可不能胡来，别对不起朋友。 林：仲好讲，又唔系我叫佢嚟嘅。佢自己嚟到我房度，夹硬要响我度过夜，搞到我冇得瞓都唔紧要，仲要我成晚戴住呢个假头发，你地仲讲呢啲嘢。唔好搞我啦，我番去啦！（扔假头发于地） （简、吴急忙拾起代林戴上。） 简：千祈唔好，算我对你唔住。 吴：委屈你啦！ 简：你今晚将就吓都要啦！ 吴：我们知道你靠得住，不过是怕你一时糊涂，闯了祸可不得了。 简：倩荔女仔之家唔懂事。 吴：不但你要坐监，连我们都有罪。 林：你地两个咪吓我得，如果唔放心，我走啦，入去攞番我啲衫俾我。 （林脱晨衣掷地，胸前二皮球滚下地。简、吴连忙去拾。） 简：喂，唔好发脾气。 吴：别闹。 简：俾人睇到算乜嘢得。 林：唔制啦，唔制啦！ 吴：行了，行了，别生气，过天我们请客，给你赔礼！ （简、吴七手八脚代林穿衣，塞回皮球，喘息未定。 （荔开门。） 荔：做乜你地仲唔走啫，咁夜仲唔俾简小姐休息？ 吴：（拭汗）嗳！大家都要休息了。 荔：简小姐入嚟啦！我地女人倾心事，唔俾佢地听。（拉林入，闭门）（吴犹逡巡。） 简：走啦，如果俾第二啲人睇到我地企响呢处，有乜好呢？ （吴不语。） 简：你唔走我走啦！（回己房） （吴独在室外徘徊。 （室内。林、荔均脱晨衣露出艳丽睡袍，林半躺半坐，荔坐床上。） 荔：简小姐，我知道你旧时为咗婚姻唔自由至出美国嘅，你一定会同情我。 林：当然，当然。 荔：如果你唔帮我忙，我都唔知点算啰。（盈盈欲泣） 林：（抚女发）唔好着急，慢慢想办法啦！ （荔倒在林胸前抽噎。） 林：（抱着荔）你唔好喊，你一喊我成个心乱晒。（不安地看看门）（吴在门外徘徊、偷听，听不出什么来，干着急，终于下了决心，匆匆回到与简合住之房，推门入。） C.O. 第四十八场 景：酒店简房 时：夜 人：简、吴 C.I. （简已入睡，只见点着台灯。吴急入。） 吴：简良，不行，还是得麻烦你。 简：又试乜嘢事呀？ 吴：我怎么都不放心。 简：你唔放心阿林啫，唔通倩荔你都唔放心？ 吴：不是，她太天真了，等她发现已经晚了。 简：咁我都系冇办法，唔通再去话请姑妈出嚟倾吓呀？ 吴：你能不能叫采去把她叫出来？ 简：咁晚，我点去揾采呀？ 吴：可以打电话。 简：打电话佢爸爸会知道。 吴：知道也没关系，你们都差不多已经订婚了。 简：唔系咁讲啦，万一俾佢爸爸识穿咗，仲弊添。 （吴急如热锅上蚂蚁。） C.O. |
| 太玄书阁(xuge.org) |
| 上一页 回目录 回首页 下一页 |